Sinqapur hökuməti ailələri dəstəkləmək məqsədilə yeni tədbirlər paketi hazırlayıb. Yeni paket çərçivəsində 17 yaşadək hər uşaq üçün ümumilikdə 55 min ABŞ dollarına qədər birbaşa dövlət dəstəyi nəzərdə tutulur.
Bu məbləğin təxminən 49 min ABŞ dolları yeni “Uşaq Dəstək Paketi” çərçivəsində təqdim olunacaq:
– $7 900 – uşağın doğulmasından sonra nağd ödəniş;
– $25 200 – 1 yaşdan 16 yaşa qədər hər il təxminən $1 575;
– $3 900 – uşağın hesabına ilkin ödəniş;
– $3 900 – valideynlərin hesaba yatırdığı vəsaitə hökumətin əlavə etdiyi məbləğ;
– $7 900 – uşaq 17 yaşına çatanda ali təhsil üçün.
Bundan əlavə, uşaqlar üçün tibbi xərclərə təxminən $3 900, təhsil xərclərinə isə təxminən $2 000 dövlət dəstəyi nəzərdə tutulur.
Ödənişlərin 2027-ci ildən başlaması nəzərdə tutulur.