Neftçalalılar nə düşünür bu haqda?

Neftçalada müstəqil namizədə qarşı qarayaxma kampaniyası aparılır.

Məlumata görə, sabiq deputat Sabir Rüstəmxanlının həyat yoldaşı, deputatlığa namizəd Tənzilə Rüstəmxanlı bu məsələdə xüsusilə canfəşanlıq edir.

Bu barədə deputatlığa namizəd Vəfa Nağı danışır:

“Neftçalalılardan böyük dəstək alıram. Bu məni çox sevindirir. Amma bu dəstək digərlərini narahat edir.

Bizə deyirlər ki, Tənzilə Rüstəmxanlının köməkçiləri haqqımda qara təbliğat aparırlar. Çayxana-çayxana gəzib, oradakı insanlara mənim ermənipərəst olduğumu deyirlər.

Tənzilə Rüstəmxanlı isə mən bazara girəndən sonra əraziyə baş çəkməyə məcbur olub. Amma bundan əvvəl bütün plakatlarımı cırdırıb.

Heç bir narahatlığım yoxdur. Sadəcə istəyirəm, bir az da narahat olub, daha çox resurs xərcləsinlər…”