Maldiv adaları
Azərbaycan Xarici İşlər Nazirliyi məlumat yayıb ki, Azərbaycan Respublikası ilə Maldiv Respublikası arasında viza tələbinin qarşılıqlı ləğvi haqqında saziş üzrə bütün daxili prosedurlar tamamlanıb.
Saziş 29 aprel tarixindən etibarən rəsmi qüvvəyə minib.
Razılığa əsasən:
- Azərbaycan və Maldiv vətəndaşları bir-birinin ərazisinə vizasız daxil ola, çıxa və ya tranzit keçə biləcəklər.
- Hər bir səfər zamanı ölkədə maksimum 90 gün qalmaq mümkündür.
Bu addım nəticəsində hər iki ölkənin vətəndaşları üçün qısa müddətli səyahətlər, turizm və işgüzar əlaqələr üçün viza almaq artıq zərurət deyil.
Maldiv dünyanın ən məşhur turizm məkanlarından biri hesab olunur.