ABŞ-İsrail
Donald Tramp ABŞ-də aralıq seçkiləri günü “Fox News” kanalına deyib ki, Benyamin Netanyahu ilə ilin sonundan İsrailə pul verməməyi razılaşdırıblar: “Biz İsrailə ildə 4 milyard dollar veririk və aylar əvvəl dayandırmağa razılaşdıq. Bu ilin sonuna qədər İsrailə ödəməyəcəyimizi artıq razılaşdırmışıq. İndi İsrailin ehtiyacı olsa, kömək edəcəyik”.
Bu açıqlamanın nəyi dəyişdiyi aydın deyil. “Əl-Cəzirə” hansı yardımdan söhbət getdiyinin bəlli olmadığını yazır, Dövlət Departamenti sorğuya dərhal cavab verməyib. İsrailin “Ynet” saytının yazdığına görə, indiki 3,8 milyard dollarlıq illik hərbi yardım paketinin müddəti 2028-ci ilin sonunda bitir. Netanyahu özü də Knessetdə “ildə 4 milyard dollar alırıq, məncə, onsuz yaşamağı öyrənəcəyik” demişdi. Netanyahu Trampın son sözlərinə hələlik cavab verməyib.
İsrailə yardım seçki mövzusudur. İyulda ABŞ Nümayəndələr Palatasında yardımı kəsmək təklifi 314-ə qarşı 104 səslə rədd edilib, amma Demokratların təxminən yarısı onu dəstəkləyib.
Fələstin Səhiyyə Nazirliyinə görə, İsrail hücumlarında Qəzzada müharibənin əvvəlindən ən azı 74 609, 2025-ci ilin oktyabrında elan olunan atəşkəsdən sonra isə ən azı 1 593 fələstinli ölüb.