Fransada həbs edilən Pavel Durov Bakıda Kibertəhlükəsizlik Mərkəzində olub

Durov Azərbaycanda haralarda olub?

Bir neçə gündür Telegram kanalları Durovun Azərbaycan səyahətindən təbiət görüntüləri paylaşırlar.

Lakin onun Bakıda daha maraqlı ziyarəti olub.

Məlum olub ki, Fransada həbs edilən Teleqramın qurucusu Pavel Durov Bakıda Kibertəhlükəsizlik Mərkəzində olub.

Bu barədə onunla birlikdə Bakıya səfər edən kripto-kouç Yuliya Vavilova öz Instagram səhifəsində paylaşım edib.

Azərbaycan Kibertəhlükəsizlik Mərkəzi keçən il mart ayında İsrailin “Technion” İnstitutu ilə Azərbaycan Rəqəmsal İnkişaf və Nəqliyyat Nazirliyinin əməkdaşlığı nəticəsində təsis edilib.

Mərkəz “PASHA Holding” şirkətlər qrupunun dəstəyi ilə fəaliyyət göstərir.