Rusiya-Ukrayna müharibəsi
ABŞ-nin birinci xanımı Melaniya Trampın ofisi bildirir ki, o, noyabrın 5-də Ağ Evdə Xerson vilayətinin işğal altındakı Oleşki şəhərindəki atəşkəs barədə çıxış edəcək və Rusiya ilə Ukrayna nümayəndələrini orada “şəxsən bir araya gətirəcək”. Kimin gələcəyi açıqlanmayıb.
Ağ Ev oktyabrda atəşkəsi Melaniya Trampın vasitəçiliyi kimi təqdim etmişdi. Oktyabrın 27-dən noyabrın 1-dək davam edən fasilədə sakinlər təxliyə olunub, Tramp 800-ə yaxın adamın çıxarıldığını yazıb. “Le Monde” isə Ukraynadakı mənbəyə istinadla yazır ki, təxliyəni dörd ay Rusiya və Ukrayna hərbi kəşfiyyatları müzakirə edib, Vaşinqtonun hansı rolu oynadığı məlum deyil.
Görüş döyüşlərin sərtləşdiyi vaxta düşür. Atəşkəs bitdikdən bir gün sonra Rusiyanın Zaporojyedəki Kamışevaxa qəsəbəsində yardım mərkəzinə zərbəsində Ukrayna rəsmilərinə görə 31 nəfər ölüb. Rusiya, Ukrayna və ABŞ noyabrın 10-11-də Əbu-Dabidə danışıqlar aparacaq.