Ukrayna Avropanı COP29-u boykot etməyə cağırır
Bu barədə “Politico” nəşri məlumat yayıb.
Ukrayna bu barədə Kremlin sözçüsü Dmitriy Peskovun açıqlamasından sonra çağırış edib.
Peskov deyib ki, Putin COP29-da Rusiyanı şəxsən təmsil edə bilər, lakin hələ yekun qərar qəbul edilməyib.
Daha əvvəl də Rusiyadan açıqlama verilmişdi ki, COP29-da Rusiyadan baş nazir Mişustin və ya prezident Putin iştirak edəcək.
Ukraynanın Avropa İttifaqındakı səfiri Çentsov Vsevolod “Politico”ya açıqlamasında deyib ki, əgər Putin COP29-da iştirak edəcəksə, beynəlxalq ictimaiyyət nu sammiti boykot etməlidir.
“Biz bu təzyiqi göstərməliyik və tərəfdaşlarımız Azərbaycana açıq şəkildə deməlidirlər ki, əgər Putin orada olacaqsa, onlar iştirak etməyəcəklər,” – deyə o bildirib.