Rusiya-Ukrayna müharibəsi
ABŞ-dəki Müharibəni Öyrənmə İnstitutu (ISW) hesablayır ki, Rusiya ordusu oktyabrda 139,85 kvadrat kilometr ələ keçirib, 167,14 kvadrat kilometr itirib. İnstituta görə, xalis itki 27 kvadrat kilometrdir və bu, artıq ikinci aydır belədir.
ISW-yə görə, Rusiya yalnız Sumı və Zaporojye istiqamətlərində irəliləyib, cəbhənin qalan hissələrində, o cümlədən Donetskdə ərazi itirib.
Ukrayna Baş Qərargahı isə Rusiyanın oktyabrda 54 400 əsgərinin öldüyünü və ya ağır yaralandığını iddia edir. Bu, Ukraynanın müharibə ərzində verdiyi ən böyük aylıq rəqəmdir. Rusiya itkilərini açıqlamır, bu rəqəmi müstəqil yoxlamaq mümkün deyil.
ISW qiymətləndirir ki, buna görə Putin indi uzaqmənzilli ballistik raketlər və reaktiv dronlarla Ukraynanı qışda təslim olmağa məcbur etməyə çalışır. Moskva bu hesablamaya hələlik cavab verməyib.