Belarus prezidenti Aleksandr Lukashenko avqustun 17-də vertolyotla işçiləri ötən həftə seçki saxtakarlığına qarşı etirazlara qoşulan Minsk Traktor Zavodunda olub.
Lukaşenko zavoddakı etirazlara münasibət bildirərək deyib ki, “kim işləmək istəyirsə, işləsin. Onlar işləmək istəmirlər, yaxşı, nə edə bilərik, biz onları məcbur edə bilmərik”.
O, ölkədə yeni seçkilərin olmayacağını da söyləyib: “Ədalətsiz seçkilərdən danışırsınız və ədalətli keçirmək istəyirsiniz? Bu suala cavab verirəm. Seçkiləri keçirdik. Məni öldürməyinizə qədər başqa seçkilər olmayacaq”
Belarus: Gənc qız vətəndaşlara zorakılıq etməyən hərbçini öpür
Etiraz aksiyası keçirən zavod işçilərinin xeyli hissəsi Lukashenko ilə görüşə buraxılmayıb. Onun çıxışı zamanı etirazçılar dəfələrlə “Get!” şüarını səsləndiriblər.
Mənbə: Azadlıq Radiosu