Diplom qalmaqalı və istefa
İndoneziyanın vitse-prezidenti Gibran Rakabuminq Raka istefa ərizəsi verib. BBC-yə danışan köməkçisi Budi Arinin sözlərinə görə, ərizə noyabrın 11-də birbaşa prezident Prabovo Subiantoya təqdim olunub, onun qəbul edilib-edilmədiyi hələ bəlli deyil. Addımın Prabovonu hakimiyyətə gətirən siyasi ittifaqı daha da gərginləşdirə biləcəyi deyilir.
İstefa Ali Məhkəmənin Gibranın 2024-cü il seçki kampaniyasında istifadə etdiyi orta məktəb sənədini etibarsız saymasından sonra gəlib. Qərardan sonra 100-dən çox deputat onun impiçmentinə yol aça biləcək parlament təşəbbüsünü dəstəkləyib.
Gibran Sinqapur və Avstraliyada təhsil alıb və təhsilini təsdiqləmək üçün İndoneziyanın ekvivalentlik sertifikatından istifadə edib. Qanuna görə, vitse-prezident ən azı orta məktəbi və ya ona bərabər təhsili bitirməlidir. Ali Məhkəmə isə onun orta məktəbi bitirdiyini sübut edən dəlil tapmadığını bildirib: “Gibranın orta məktəbə bərabər sayıla biləcək xarici diplomu və ya sertifikatı olduğuna dair dəlil tapılmayıb”. Konstitusiya Məhkəməsi də oktyabrda eyni nəticəyə gəlib. Gibran keçmiş prezident Coko Vidodonun oğludur.