Məktəbliyə qarşı zorakılıq edən məmur uşaq evinə direktor təyin olunub

Rasilə Arifqızı Lənkəranda uşaq evinin müdiri vəzifəsinə təyinat alıb. O, Lənkəran Rayon İcra Hakimiyyətinin başçısının sabiq müavinidir.

Keçən il R.Arifqızına qarşı Lənkəran rayon prokurorluğunda cinayət işi açılıb. O, Lənkəran şəhər 4 nömrəli məktəb-liseyin 9-cu sinif şagirdinə qarşı fiziki zorakılıq hərəkətlərinin edilməsi faktı ilə ittiham edilib.

Rasilə Arifqızına Cinayət Məcəlləsinin 309.1-ci (vəzifə səlahiyyətlərini aşma) maddəsi ilə ittiham irəli sürülüb. R.Arifqızı bundan sonra vəzifəsindən azad edilib.

Məhkəmə ona 4 min manat cərimə cəzası təyin edib.