İspaniyada mənzil tətili
İspaniyanın ən böyük iki həmkarlar ittifaqı, CCOO və UGT, kirayəçilər konfederasiyası və digər təşkilatlarla birlikdə noyabrın 11-nə 24 saatlıq ümumi tətil elan edib. Bu, iki ittifaqın birgə dəstəklədiyi 2012-ci il noyabrından bəri ilk ümummilli ümumi tətil olacaq. O zaman etiraz Baş nazir Mariano Raxoyun hökumətinə qarşı idi.
Təşkilatçılar tətili mənzil böhranı ilə əlaqələndirir və əməkhaqlarının kirayə və ipoteka xərclərini ödəyəcək səviyyəyə qaldırılmasını tələb edir. CCOO-nun baş katibi Unai Sordo və UGT-nin baş katibi Pepe Alvares problemin işçi ailələrinin gəlirləri ilə birbaşa bağlı olduğunu deyir. Tətil qərarı oktyabrın 7-də qəbul edilib, CGT, CNT, CO.BAS kimi digər həmkarlar da qoşulub.
Tətil noyabrın 29-da keçiriləcək növbədənkənar parlament seçkilərindən üç həftə əvvələ düşüb. İşəgötürənlər təşkilatı CEOE-nin sədri Antonio Qaramendi tətili “seçki tətili” adlandırıb və onu hüquqi yolla mübahisələndirəcəyini açıqlayıb. “France 24”ün yazdığına görə, sağçılar Baş nazir Pedro Sançesin sosialistlərini qabaqlayır, amma fərq azalıb.