Şəkidən şikayət var…
150-yə yaxın işçi işdən çıxarılıb, yenidən işə girmək üçün isə 8000 manat rüşvət tələb olunur.
Bu barədə regional su idarəsindən redaksiyamıza şikayət daxil olub.
Adlarını açıqlamaq istəməyən keçmiş işçilər təzəlikcə müdir keçən Bayram Məmmədovu qanunsuz kütləvi ixtisar və rüşvət maxinasiyası etməkdə günahlandırırlar.
Məlumata görə, idarəyə müdir təyin olunan Bayram Məmmədov struktur dəyişikliyini bəhanə edərək, bir çox vəzifənin ixtisara düşdüyünü bildirib və 150-yə yaxın işçini işdən çıxarıb. Lakin həmin vəzifələrə yenidən işçilər götürülür və bunun üçün 8000 manat rüşvət tələb olunur.
Qeyd edək ki, Azərbaycanda su idarələrində struktur dəyişikliyi baş verib. “Azərsu” ilə “Meliorasiya və Su Təsərrüfatı” qurumları ləğv edilərək, yerində “Azərbaycan Dövlət Su Ehtiyatları Agentliyi” yaradılıb.