Rusiya, ABŞ
Rusiya dizelini ABŞ-yə daşımalı olan iki tanker artıq Amerika sahillərini təyinat göstərmir. “Financial Times” yazır ki, “Leruo” noyabrın 2-də təyinatını Braziliya edib, “Talisman” isə Atlantikdən Aralıq dənizinə keçib və Əlcəzair sahillərində “göstəriş gözləyir” statusu ilə dayanıb. Qəzetə görə, bu status adətən yükün təsdiqlənmiş alıcısı və ya limanı olmadığını göstərir. Hər iki tanker Qərb sanksiyaları altındadır.
Üçüncü tanker “Agioi Fanendes” ABŞ-yə doğru üzsə də, eyni statusu göstərir, sahibi qəzetə boşaltma limanında sifarişlərin hələ təsdiqlənmədiyini deyib. Primorskdan oktyabrın 27-də yüklənən “Beast” isə kursunu saxlayır. Kreml bu barədə şərh verməkdən imtina edib.
Tramp və Putin oktyabrın 9-da telefonla danışandan sonra Rusiya dizelinin ABŞ və dünya bazarına çıxarılacağını elan etmişdilər. ABŞ Maliyyə Nazirliyi sanksiyalardan yan keçməyə imkan verən müvəqqəti lisenziya verib. Ukrayna prezidenti Volodimir Zelenski sövdələşməni müharibəyə investisiya adlandırıb, Tramp isə onun qiymətləri aşağı salacağını iddia edirdi.
İllüstrativ foto: neft tankeri, Wikimedia Commons.